19.10.1960
Дыл эртемнериниң кандидады
Тываның Өвүр кожуунунуң Дус-Даг суурунга төрүттүнген.
1985 чылда Ленинградтың күрүне университединиң Чөөн-чүк факультедин дооскан соонда ТДЛТЭШИ-ниң бижимел чогаал болгаш аас чогаал секторунче биче эртем ажылдакчызы кылдыр ажылдап кирген. 1989-1990 чылдарда Россияның Эртемнер Академиязының А.М. Горький аттыг Делегей чогаалының институдунуң аас чогаал килдизиниң стажер-шинчилекчизи болуп турган. 1991-1996 чылдырда бо-ла институттуң арыннажып (очный), ооң соонда арыннашпайн (заочно) арспирантуразынга өөренип турган. 1995 чылда эртем ажылдакчызы деп дужаалга томуйлап доктааттырган. 2004 чылда Улан-Удэге «Тыва тоолчу чаңчылда «хоолап каан тоожуларның» ужуру болгаш утказы» деп темалыг кандидаттың диссертациязын камгалаан.
Ооң парлаттынган ажылдары тыва аас чогаалынга тураскааттынган, ооң иштинде: А. Хертек шүлүкчүнүң чогаадыкчы дилээшкиннери // Улуг-Хем, 1 үндүр. – Кызыл, 1998; «Панчатантрадан» сургаалдыг үлегер чугааларның тыва аас дыл кырында янзызы // Тывада гуманитарлыг шинчилелдер. – М., 2001; Хаанның оглу Мигир-Мижит дугайында тыва тоолдар ээргилдези // ТГШИ-ниң Эртемниг демдеглелдери, 19-ку үндүр. – Кызыл, 2002.
Алган дөзү:
1. Ученые ТИГИ / сост. М. П. Татаринцева. – Кызыл, 2005. – Ар. 42.