Хары чуртка ырлаан ырылар

Чеңгии паштың хайынбазын, 
Чеңгем онуун ажынарын.
Честек-каттың бышпазын,
Честем оолдуң ажынарын.

Өлген бораан чаарда,
Өреге чогу берге иргин.
Өске чуртка чоруурда,
Өскүс-чавыс берге иргин.

Харлыг чаашкын чаарда,
Каттанчы чогу берге иргин.
Хары чуртка чоруурда,
Хара чаңгыс берге иргин.

Үскен бораан чаарда,
Каттанчы чогу берге иргин.
Өске чонга чоруурда,
Таныш чогу берге иргин.

Өске чуртка чоруурда,
Өреге чокка үзей эргин.
Өскүс чаӊгыс чоруурда, 
Өртемчейи үзей иргин.

 Харлыг бораан чаарда,
 Хараача чогу үзей эргин.
 Харның чуртунга чоруурда,
Хара чаңгыс үзей эргин. 

Өлүг бораан чаарда,
Өреге чогу кежээ моң. 
Өске чуртка баарда,
Өскүс-чаңгыс кежээ моң.

Кадыг бораан чаарда,
Каттанчы чогу кежээ моң.
Хары чуртка баарда,
Хара чаңгыс кежээ моң.
                

Өлген бораан чаарда, 
Өреге чогу багай-дыр.
Өске чуртка чоруурда,  
Өскүс чаңгыс багай-дыр.

Чаашкын-бораан чаарда,
Чаргак чок багай-дыр.
Чаг чуртка чоруурда,
Чаңгыс бот багай-дыр.