сентября 2018

Оюн-наадым хайым-на болзун

Оюн-наадым хайым-на болзун!

Ондак чүве ыңай-ла турар болзун!

Аът малы киштежип турар болзун!

Дегзин, дегзин,

Өршээ хайыракан!

Орнун орта дегзин,

Одура дегзин.

Эжен саңым салып алган,

Ак чалама азып алган,

Айым чаазы,

Хүнүм эртези!

Эрги чылды үдеп тур мен.

Айым чаазы, хүнүм эртези,

Эрги чылды үдеп тур мен,

Чаа чылды уткуп тур мен.

Уруг-дарыг чүреккир болзун!

Улуг үүле бүдүнгүр болзун!

Каккан санында,

Аъды-даа шыырак болзун!

Андазыны кирингир болзун!

Амыр-ла болзун!

Илбээн өршээңер!

Хараачаның үдүн өршээңер!

От-бурганны мыйлааңар.

Дээр-биле дөмейлеп кылган

Тогдук дег каас болзун!

Эдеришкен эш-өөрү эки болзун!